XO 46 Heritage Bistro

Clarissa Dayrit

5.0

Labis akong nagalak nang ako'y maturingang isang "Senyorita" habang inaabangan ang aming mga naibigang pag-saluhan ngayong kagabihan. Isa sa mga katangi-tanging kakaibahan ng restawran XO46 ay ang kanilang paggamit ng sariling wika upang ipaliwanag at ipaghatid tanaw ang mga iba-ibang pagkaing Filipino na kanilang pinagkadalubhasaang ihandog sa ating mga kapwa, Filipino man o bisitang banyaga.Natanong ko ang aming serbidora kung ano ang ibig sabihin ng XO46? Ang balik niya sa akin ay XO " dahil sa ekstraordinaryong lasap na dulot ng kanilang mga handa sa hapag kainan at 46 ay patungkol sa 1946 kung kailan ang Pilipinas ay nakalaya sa lahat ng dayuhan.""Aba magaling" ang aking sabi at bago pa ako makadagdag ng pananalita ay inabutan ako ni Sara ng pampaganang puto na may dalawang pamahid na minatamis na mantikilya at aligue ng talangka. Bukod dito ay may lakip na "bugtong" sabay ngiting sinabi "baliktanaw tayo sa inyong kabataan at subukang sagutin ang palaisipan ng bugtong." "Buto't balat, lumilipad" aba ang dali ang aking sabat...saranggola!! Tumawa siya at sinabi "parang di pa kayo senior niyan dahil matalas pa ang inyong kaisipan." Siyempre palakpak naman ang tenga ni lola.Dumating na rin ang aming napili gamit ang ginintuang situs web. Kalderetang Baka na nagkakahalaga ng P485 at ang nalibreng Gambas al Ajillo (P445). Kumuha din kami ng 2 kaning puti (P48@) at humingi ng mainit na tubig para inumin. Napakasarap ng kaldereta na maraming sangkap ng tipak-tipak na karne ngunit ubod ng lambot na maari mong gulanitin gamit lamang ang kutsara lalo na kung hiwain pa ng kutsilyo. Para akong dinuduyan sa kasarapan sa sangkap na oliba, patatas at siling luntian. Tamang tama ang pagkaluto ng sarsang bumabalot sa mga laman na karne na halos mapahiyaw ako sa tuwa.Ang gambas naman ay napakalinamnam din dulot ng napakaraming tinadtad na bawang at sa langis nito'y halos nangintab ang mga hipong nahimlay. Sulit na sulit ang bigay ng situs web. Kulang ata ang isang kanin ngunit ayaw kong tumaba kaya dinaan na lamang sa pag-inom ng pinakuluang tubig na nakabubuti sa kalusugan dahil bukod sa mas mainam na pantunaw ng pagkain at labis na kalangisan ay nakakabawas din ng pagkaroon ng gas sa tiyan.Hindi pa dito natapos ang lahat sapagkat nang hingin ko na ang talaan para sa babayaran, may pahabol pang Choc-Nut na paborito ko noong aking kabataan. Mahusay! Mabuhay!

Sıla Yılmaz

3.0

We loved the sisig! Good food and good service.We just had some few issues. We were seated at the backmost part of the restaurant and there was a cockroach and fly.Place is quite pricey.

Serdar KUL

4.0

Enjoyed the food and had fun with the filipino hospitality and language by the waitress. The food are great and “ginaa” (girl version of ginoo 😂) is also fun to talk with